National kite flying day poem

தமிழ் கவிதைகள்

அனைவருக்கும் வணக்கம் நண்பர்களே மீண்டும் எங்களுடைய வலைத்தளத்தில் தமிழ் கவிதைகளை பதிவிட தொடங்கியுள்ளோம். இன்று தேசிய பட்டம் பறக்கவிடும் நாள் பட்டம்  குறித்த எளிமையான ஒரு கவிதையை பதிவிடுகிறேன் பள்ளி மாணவர்கள் மற்றும் குழந்தைகள் பயன்படுத்திக்கொள்ளலாம் நன்றி.

தேசிய பட்டம் பறக்கவிடும் நாள் ( February 8- National kite flying day Special poem):

அறியாத வயதில்...

உன் வாலைப் பிடித்தேன்...

உயரம் தொட எண்ணிய உன்னைத் தடுத்தேன்...

விட்டுவிட்டால் தொலைந்து விடுவாய் என்று எண்ணினேன்...

இரண்டே குச்சிகளில்...

மொத்த நம்பிக்கையும் வைத்தாய்...

உனக்கும்...

எனக்கும்...

பெரிய வித்தியாசம் ஒன்றும் இல்லை...

உன்னைப் போலத் தான் நானும்...

மற்றவர் கைகளிலே அகப்பட்டுக் கிடக்கிறேன்...

உண்மையான சுதந்திரம்...

என்னவென்று அறிய நினைக்கிறேன்...

காயிறால் நீ கட்டப்பட்டது போல்...

நானும் கட்டுப்பட்டுக் கிடக்கிறேன்...

கயிறால் அல்ல...

கண்டிப்பினால்...

மடை திறந்த வெள்ளம் போல்...

இருவரும் உடைத்துக் கொண்டு...

சுதந்திரக் காற்றை சுவாசிக்கும் நாள்...

வெகுதொலைவில் இல்லை...

பட்டமோ...

கனவோ...

பிடித்து வைப்பதற்கு அல்ல...

பறக்க விடுவதற்கே...

மேலே மேலே பறந்து...

சிகரம் தாண்டி...

வானம் தொடுவோம்...!

Poet - riyashok